Plantun de Prouvènço

Pèr coumpara dos planto d'encò nostre

Polypodium vulgare & Poa cenisia

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Margaioun(-di-fueio-distico)

Poa cenisia

Poaceae Graminaceae

Autre noum : Péu-de-chin.

Noms en français : Pâturin à feuilles distiques, Pâturin du mont Cenis.

Descripcioun :
Aquéu margaioun trachis dins lis esboudèu, li peirié d'auto mountagno e peréu en ribo de gaudre ounte ié flouris l'estiéu. Es uno planto emé un rizoumo que crèis entre li roco d'ounte sort de tijo souvènt esterlo e toujour amé de fueio distico (coume s'èron óupousado). L'enflourejado, de 2 à 10 cm èi souvènt vióuleto, mesclado de blanc. Li lemma soun proun peludo (péu frisa) sus la careno e li costo de coustat.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 45 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Poa
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 2 à 10 cm
Flourido : Printèms - Estiéu

Sòu : Ca
Autour basso e auto : 1400 à 3000 m
Aparado : Noun
Jun à avoust

Liò : Peirié - Esboudèu - Roucaio - Gaudre
Estànci : Mountagnard à Aupen
Couroulougi : Ouroufito-Aupenco
Ref. sc. : Poa cenisia All., 1789

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Polypodium vulgare & Poa cenisia

ges

RRR

Coumpara Regalisso-bastardo emé uno autro planto

Coumpara Margaioun(-di-fueio-distico) emé uno autro planto